Kreu i Partisë Demokratike të Kosovës (PDK), Memli Krasniqi kërkon mbështetjen e gjithë qytetarë në Prizren, Vushtrri, Malishevë e Klinë, ashtu si në Drenas, Kaçanik, Shtime e Dragash.

Krasniqi, përmes një postimi në Facebook ka kërkuar nga qytetarët e këtyre vendeve të mbështesin kandidatët e kësaj partie më 14 nëntorit , shkruan arbresh.info.

“Më 14 nëntor, na duhet mbështetja e juaj, e tillë si në raundin e parë – kur tejkaluat barrierat partiake dhe votuat kandidatët e PDK-së, për ta fituar qeverisjen e mirë në Prizren, Vushtrri, Malishevë e Klinë, ashtu si në Drenas, Kaçanik, Shtime e Dragash, me kryetarë që punojnë ndershmërisht dhe për të gjithë. Prandaj, le të bëhemi bashkë të dielën për fitoren e radhës, në numrin 177, për të qeverisur në katër vjetët e ardhshme, bashkë për Kosovën”, shkruan Krasniqi.

Ndryshe, të dielën do të mbahen zgjedhjet në 21 komuna të Kosovës, të cilat kanë mbetur në balotazh./arbresh.info/